1 - قمة اللقافه اذا كنت قاعد تتكلم بالتلفون ويمك واحد من ربعك ولما تسكر التلفون يقولك منو هذا وشنو السالفة....ياااااخي إنت شكوووو
2 - قمة اللقافه اذا كنتي طالعه انتي مع رفيجتج ووحده كل شوي تدق عليكم ها وين بتروحون وين بتعشون.....خووووو مانبيج معانا بعد ليش اللزقه
3 - قمة اللقافه اذا كنتوا مسوين جو دراسي بالبيت ويتصل عليكم خالكم ويقول ترى بنتعشى اليوم عندكم مع اليهال....عز الله اخترب الجو
4 - قمة اللقافه اذا انت ياي تبي تشبك بالنت ومتحمس تبي تشوف منو اكو عندك بالمسنجر واييك واحد من ربعك يقولك ابي اجيك على ايميلي....ياااااعمري طيييير
5 - قمة اللقافه اذا كنت راد من الدوام حدك زهقان من الحر والزحمة وتلاقي نسيبك صافط تحت المضله مالتك.. آآآآآآآآه
6 - قمة اللقافه اذا كنت قاعد بالحمام -وانتوا بكرامه - ومريح على الاخر واييك واحد ويطفي عليك الليت ويمشي....... يعني ليش ليش بالله
7 - قمة اللقافه اذا كنت شاريه شغله ومستانس فيها واييك واحد ملقوف يكسر مجاديفك يقولك يااااااه في ارخص منها عاد قصوا عليك...... عفيه من طلب رايك
8 - قمة اللقافه اذا كنت ماسك المسباح مالك وقاعد تسبح فيه واييك واحد ملقوووووف ويسحبه من ايدك ويقولك يااااااااه بلاستك عبالي كهرب.....مالت عليك زين
9 - قمة اللقافه اذا قلت حق الربع منو يبي عشا ترى بنطلب وواحد يقول لالا انا شبعان ولما يوصل العشا يتليقف ويقعد يطقطق بالبطاط مالكم....يعني مستحي الاخ
10 - قمة اللقافه اذا قعد واحد بروحه بالدوانيه يقعد يتعبث بالستلايت لين يعفسه لك على بو انه بيسوي خير وبيعدل المحطات ولا هو مخربها لك كلها . .!
11 - قمة اللقافه اذا كنت متوضي بالمسجد وقاعد تسحب من الكلينكس اللي بالطوفه واييلك شايب ويقولك شوي شوي شنو قاعد تمتر ولا تسحب كلينكس...شغل شياب المسايد
12 - قمة اللقافه اذا كنت طالع من البيت وانت ما عندك ولا فلس بالبوك وينط ابويهك مندوب الجريده يقولك عاوزين تجددو الاشتراك يابيــــــــه
13 - قمة اللقافه اذا اتصل عليك واحد خروف يقولك الرقم للبيع يا الطيب لان نفس رقم بيجري فا ابيه....شخباري ليلحين في ناس عبالها كشخه
14 - قمة اللقافه اذا واحد معروف عنه ان عينه حاره وشاف عندك شي حلو ويقولك شوف يا تعطيني اياه ولا ترى بصكك بعين....شكوووووووووووو
15 - قمة اللقافه اذا كنت قاعد تعدل غترتك في منضره المسجد بعد الصلاة واييك واحد طنطل يوقف جدامك يعدل غترته....والله لو مو بالمسجد جان فنجر
16 - قمة اللقافه اذا ربعك بيسوون دقه فيك ويحطونك في دبه سيارتك ويصكون عليك ويطلع مفتاح السياره في جيبك......شماله اللقافه بالله
17 - قمة اللقافه اذا تعرفتوا على عايله بالسفر وكل يوم الا يبون يطلعون معاكم وكل ما شريتوا شي شروا مثلكم....اي مو فجوا شوي عن الناس
18 - قمة اللقافه اذا واحد من الاهل كل ما يشوفك يسألك ها فلان متى التخرج وجم معدلك.....بس عاد شقيتني
19 - اذا كنت قاعد بالدوانيه وواحد من الربع ملقوف ياخذ تيلفونك من غير ما يستأذن يبي يشوف الصور والمسجات
20 - قمة اللقافه اذا بنات واقفين بالاشاره وواحد كل شوي يجدم سيارته الا يبي يشوف اويوووهم لين يدعم السياره اللي جدامه
21 - قمة اللقافه اذا صار حادث بالشارع الثاني والشارع اللي انت فيه واقف مايتحرك كله عشان يشوفون شنو صاير ..
22 - قمة اللقافه اذا توك متزوج والاوادم كل شوي ها يافلان مافي شي بالطريج ترى الحجي كثر....بسم الله شنو زراار اهوا بالله
23 - قمة اللقافه اذا قاعدين تبنون بيتكم والناس كل شوي ها ليلحين ما سكنتوا....اي فهموا السالفه مافي بيزات بعد شنو
24 - قمة اللقافه اذا نزل فلم قوي بالسينما وحدك متحمس عشان تشوفه واييك واحد ملقوف ويقولك ترى الفلم كيت وكيت والبطل يموت اخر شي.....اعتقد بالفلم بس تنطر متى يموت البطل
25 - قمة اللقافه اذا كنت تبي تسوي مشروع ومخطط عليه وقلت الفكره حق واحد من الربع ويروح اهوا ويسويه قبلك
26 - قمة اللقافه اذا كنت شاري سياره ويسألك واحد هاااااا يافلان شريتها كاش ولا اقساط.......انا اقول لي شريت انت كاش انا اشتري مالت عليك
27 - قمة اللقافه اذا تبي تقول سالفه ويقاطعك واحد ملقوف بالدوانيه ويقول السالفه بدالك....تحس ان حالك وحال المطرح واحد
28 - قمة اللقافه اذا كنت قاعد تقرا الجريده ومنهمك فيها وتبي تقلب الصفحه ولا اللي يمك يقولك صبر صبر قاعد اقرا لا تقلب.....اي مو صار لها ساعه مقطوطه لما قريتها الحين صارت حلوه
29 - قمة اللقافه اذا كنت نايم وحد الاحلام السعيده واييك واحد ويحط كلينكس بخشمك او اذونك.....اعتقد بتسبه سبه قويه بقلبك
30 - قمة اللقافه اذا كنت انت ويا واحد طالبين عشا وقاعدين تاكلون ويدش عليكم واحد وتقولوه تفضل والاخ مايصدق خبر ويتفضل صج.....خوووووو مجامله يا الحبييييييييب
31 - قمة اللقافه اذا قاعد بالدوانيه تلعب كوت بوسته ويقعد وراك واحد ملقوف ويغث عيشتك لاتلعب جذي وقط جذي
32 - قمة اللقافه اذا كنتوا قاعدين شله بقهوه وجبالكم واحد قاعد بروحه وقاط اذونه على سوالفكم ولي قلتوا سالفه تضحك قام يتبوسم جنه مايدري.....صج قوات عين
33 - قمة اللقافه اذا عندك سياره الماني وصافط براس العاير بالفريج وشاب الليت اللي على الجنب والجيران يغثونك كل شوي طاقين الباب ليت السياره شاب وليت السياره شاب....صج فقر
34 - قمة اللقافه اذا كنتي شاريه جنطه اصليه واتيج وحده ملقوفه وتقولج اذا الجنطه اصليه وريني الكرت مال الكفاله....عفيه انتي شعليج
35 - قمة اللقافه اذا وحده حلوه طق عليها بنشر تعال شوف مليون واحد يصير لها سوبرمان......الله يعين الجيكره وعليا
36 - قمة اللقافه اذا عندكم عرس وادق عليكم وحده تصير لكم من بعيد تقول ابي بطايق زياده .....حمدي ربج عازمينج بعد
37 - قمة اللقافه اذا كل ما تشترين شي وحده من رفيجاتج تقولج من وين شاريته وتروح تشتري نفسه
39 - قمة اللقافه اذا كنتي قاعده بمكان عام واييك واحد لي طالوتج ويقولج في مجال تاخذين رقمي....ياااااااااجريء
40 - قمة اللقافه ان الوحده تصور نفسها ورفيجاتها بتيلفونها في اوضاع غير عاديه ولي انباق التيلفون قعدت تبجي دم.....شالله حادج
41 - قمة اللقافه اذا كنت متغدي ذاك الغدا السنع وحاط راسك ونايم ويشكل عليك الجرس راعي البيبسي ويكون الانتركم خربان يعني لازم تنزله....اعتقد ودك تنام فيه
42 - قمة اللقافه اذا دقت عليك وحده بنص الليل وتقولك الووووووووو هذا مو تيلفون ديمه......لاوالله ديمه اللي اديمج انشاءالله
43 - قمة اللقافه اذا قاعده بالدوانيه وواحد ما يشرب سيجار وكل شوي قايلك عطني سيجارة....شغل ماني شايل باكيت بس بالدوانيه
44 - قمة اللقافه البنغاليه اللي يوقفون عند الاشارات بالعيد ويطالعك ويقولك سلام عليكم بابا....تقول تعرفه من سنه
45 - قمة اللقافه اذا كنت شاري اغراض مو من جمعيتكم والكاشير يقولك جم رقم الصندوق تقوله ماكو وينط اللي وراك يقول رقم صندوقهم
46 - قمة اللقافه اذا غطا البنزين مال سيارتك خربان ومتبطل تعال شوف عاد مليون واحد يدق لك هرن ويأشرلك على الغطا انه مبطل....اي مو درينا عااااااد
47 - قمة اللقافه اذا كان عندكم عزيمه في بيتكم وعندكم جاره ملقوفه تقوم تتصل عليكم وتقول عسى ماشر شعندكم.......اوووووووووووف ودي ابط راسها
48 - قمة اللقافه اذا وحده اتنقز من مكان لي مكان ومن مطعم لي مطعم كل هذا عشان ادور لها على ريل.....اي انثبري ونطري نصيبج
49 - قمة اللقافه اذا فتحت محل والله وفقك ويالك واحد ملقوف يسألك جم اجارك وعسى موفي اجارك وجم اجار العمال.......اي قول بصكك بعين وفكني
50 - قمة اللقافه اذا كنت داق على احد بالموبايل وفجأة انقطع الاتصال بينكم وكل واحد يقعد يدق على الثاني ويطلعله مشغول.....اي انطر ياخي اللي داق اهوا اللي بيدق عليك
51 - قمة اللقافه اذا كنت مسوي ايميل وتعبان فيه واييك واحد بارده مبرده ومليون مره اقول واهوا مايفهم ويبوق الايميل ويسويه كوبي وينسبه حق عمره
52 - قمة اللقافه لما تكون نازل بمطار بعض الدول وكل واحد يبي يشيل جنطتك من كل صوب ويتهاوشون على شانك.....اعتقد انك ودك ترجع الديره
53 - قمة اللقافه اذا وحده الا تبي تدش في حياتك غصب وتسوي عمرها يعني اهيا زوجة المستقبل وام عيالك يعني حس وتزوجني....الحمدلله والشكر
54 - قمة اللقافه اذا حطيتي حق واحد ابتسامه بالمسنجر ويرد يسولف مره ثانيه....ياخي افهم البنت مشغولة ولا مالها خلقك لووووول
55 - قمة اللقافه الأسلوب اللي قاعد تتبعه بعض الحموات و الخوات في التدخل في الحياة الزوجية بأي شكل
56 - قمة اللقافه حق الناس اللي قاعدين يستعملون برامج عشان يشوفون خصوصيات غيرهم بالموبايل والايميلات
75 - قمة اللقافه اذا كنت بأحد مطاعم البحر وطلبت مقبلات وايد واييلك الويتر يعني الجرسون ويقولك تبي حلو بعد


انتهى .. ان شالله تزرع الابتسامة على شفاهكم :)

بالتأكيد .. ملطوش ؛)

- قمة اللقافه اذا قلت حق الربع منو يبي عشا ترى بنطلب وواحد يقول لالا انا شبعان ولما يوصل العشا يتليقف ويقعد يطقطق بالبطاط مالكم....يعني مستحي الاخ

:D:D:D:D:D:D:D

ما ادري بيش تذكرت البحار ..
بس البحار عكسه .. يقول ما اشتهي بس اذا بتطلبون .. باكل :D

:D :D :D
قمة اللقافه اذا قلت حق الربع منو يبي عشا (( ريوق )) ترى بنطلب وواحد يقول لالا انا شبعان ولما يوصل العشا (( الريوق )) يتليقف ويقعد يطقطق بالببيض اللي طالبه ....يعني مستحي الاخ
:D :mrgreen:

عسى الضحكة دوم يا أحباب ..

لا تخاف فاهمين بعضنا :mrgreen:

:o

احم احم .. أكثر من 40 % من هالصفات فيني :oops:

:D :D :D :D

لكن عندي تعليق واحد : من حسن إسلام المرء تركه ما لا يعنيه ، لو كلنا طبقنا هذا الحديث والقاعدة الأصولية التي تقول : الحكم على الشيء فرع من تصوره لصمت مائة ألف ناطق ولنطق مائة ألف جرح صامت << شفيه كونفوشيوس !! :roll:

[align=center:8f0f68e553] :D :D :D :D

ماشاء الله تبارك الله[/align:8f0f68e553]